குவிந்துள்ள குப்பைகள்

ஈரோடு பெரியார்நகர் வேப்பிலை மாரியம்மன் கோவில் அருகே ஏ.பி.சி. ஆஸ்பத்திரி பின்புறம் தமிழ்நாடு வீட்டுவசதி வாரியத்துக்கு சொந்தமான காலி இடம் உள்ளது. அங்கு தேவையற்ற குப்பைகளை கொண்டு வந்து குவித்து வைத்திருக்கிறார்கள். புல் புதர் மண்டி கிடக்கிறது. இதனால் அக்கம்பக்கத்து பகுதி பொதுமக்கள் மிக கடுமையாக பாதிக்கப்படுகிறார்கள். அங்கு தேங்கும் கழிவுகளால் துர்நாற்றம் வீசுகிறது. அதுமட்டுமின்றி சமூக விரோத கும்பல்கள் இந்த பகுதியில் அடிக்கடி வந்து செல்கிறார்கள். இது சுற்றுப்பகுதியில் வசிக்கும் பொதுமக்களுக்கு மிகுந்த அச்சத்தை ஏற்படுத்தி இருக்கிறது. புதராகவும், மறைவிடமாகவும் இருப்பதால் இங்கு சமூக விரோத செயல்கள் அரங்கேறி வருகின்றன. எனவே சம்பந்தப்பட்ட அதிகாரிகள் உடனடியாக நடவடிக்கை எடுத்து குப்பையை அகற்ற வேண்டும்.