ஆஸ்பத்திரி முன்பு சுகாதார சீர்கேடு

சேலம் மாநகராட்சி 42-வது வார்டுக்கு உட்பட்ட கிச்சிப்பாளையம் பகுதியில் நகர்ப்புற ஆரம்ப சுகாதார நிலையம் உள்ளது. இந்த ஆரம்ப சுகாதார நிலையம் முன்பு 3 குப்பை தொட்டிகள் வைக்கப்பட்டுள்ளன. இதனால் அங்கு குப்பைகள் கொட்டுவதால் துர்நாற்றம் வீசுவதோடு சுகாதார சீர்கேடு நிலவுகிறது. மேலும் அங்குள்ள டிரான்ஸ்பார்மர் அருகே கால்நடைகளையும் சிலர் கட்டி வைத்துள்ளனர். இதனால் ஆஸ்பத்திரிக்கு வந்து செல்லும் நோயாளிகள் முகம் சுளித்தவாறு செல்வதை காண முடிகிறது. எனவே கிச்சிப்பாளையம் நகர்ப்புற ஆரம்ப சுகாதார நிலையம் முன்பு உள்ள ஆக்கிரமிப்புகளை அகற்றி ஆஸ்பத்திரி பகுதியை பராமரித்து தூய்மையாக வைக்க வேண்டும் என அப்பகுதி பொதுமக்கள் கோரிக்கை விடுத்துள்ளனர்.