குப்பைக்கு தீ வைப்பதால் வாகன ஓட்டிகள் அவதி

திருப்பூர் மாநகராட்சி 19-வது வார்டு நீதியம்மாள் நகர் 3-வது வீதியில் குப்பை கொட்ட குப்பை தொட்டி வைக்கப்பட்டுள்ளது. அந்த தொட்டியில் குப்பைகள் நிறைந்த பிறகும் அவை எடுத்து செல்லப்படுவது இல்லை. இதனால் தொட்டியின் கீழ் குப்பை கொட்டப்படுகிறது. காற்று வீசும்போது குப்பைகள் சாலையில் பறந்து வாகன ஓட்டிகள் மீது படுகிறது. அப்போது வாகன ஓட்டிகளுக்கு கண் எரிச்சல்ஏற்பட்டு வாகனத்துடன் விழுந்து விடுகிறார்கள். அது மட்டுமல்ல குப்பைக்கு தீ வைக்கப்படுகிறது. இதனால் ஏற்படும் புகை வாகன ஓட்டிகளை நிலைகுலைய செய்கிறது. எனவே குப்பை தொட்டியில் குப்பை நிறைந்தவுடன் அவற்றை அப்புறப்படுத்த நடவடிக்கை எடுக்க வேண்டும்.

-------