குப்பையால் சுகாதார சீர்கேடு

தர்மபுரி அன்னை சத்யா நகர் குடியிருப்பு பகுதியில் சாலையோரத்தில் குப்பைகள் அதிக அளவில் கொட்டப்படுகின்றன. தற்போது அடிக்கடி மழை பெய்யும் சூழ்நிலையில் குப்பைகள் மழையில் நனைந்து இந்த பகுதியில் துர்நாற்றம் வீசுகிறது. இதனால் ஏற்படும் சுகாதார சீர்கேட்டால் அந்த வழியாக செல்பவர்கள் சிரமத்திற்கு உள்ளாகி வருகிறார்கள். எனவே பொதுமக்கள் நலன் கருதி இந்த பகுதியில் குப்பை கொட்டுவதை தடுக்க வேண்டும். அல்லது அங்கு குப்பை தொட்டிகள் வைத்து தினமும் குப்பைகளை அகற்ற அதிகாரிகள் நடவடிக்கை எடுக்க வேண்டும்.

-சுந்தரம், தர்மபுரி.