சேதமடைந்து நிற்கும் மின்கம்பம்

திருப்பாதிரிப்புலியூர்- வண்டிப்பாளையம் ரோடு நகராட்சி தொடக்கப்பள்ளி அருகே உள்ள மின்கம்பத்தில் சிமெண்டு காரைகள் பெயர்ந்து அதன் உள்ளே இருக்கும் கம்பிகள் வெளியே தெரிகின்றன. இதனால் இந்த மின்கம்பம் எப்போது வேண்டுமானாலும் உடைந்து கீழே விழும் அபாயம் உள்ளது. எனவே விபரீதம் ஏதும் ஏற்படும் முன் சேதமடைந்த மின்கம்பத்தை அகற்றிவிட்டு அங்கு புதிய மின்கம்பத்தை அமைக்க அதிகாரிகள் நடவடிக்கை எடுக்க வேண்டியது அவசியம்.