ஒளிராத தெருவிளக்குகள்

நாகை மாவட்டம் சிக்கல் ஊராட்சி மெயின் சாலையில் மதார்சா மரைக்காயர் தெரு உள்ளது. இந்த தெருவில் உள்ள தெரு விளக்குகள் கடந்த சில மாதங்களாக சரிவர எரிவதில்லை. இதன்காரணமாக இரவு நேரங்களில் தெரு இருள் சூழ்ந்து காணப்படுகிறது. இதனால் பெண்கள், குழந்தைகள் இரவு நேரங்களில் அச்சத்துடன் வெளியே சென்று வருகின்றனர். மேலும், வாகன ஓட்டிகளும் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் உள்ள தெருவிளக்குகள் ஒளிர நடவடிக்கை எடுக்க வேண்டும்.