ஒளிராத தெருவிளக்குகள்

பந்தலூர் அருகே ரிச்மண்ட் பகுதியில் ஏராளமான பொதுமக்கள் வசித்து வருகிறார்கள். இங்கு காட்டுயானைகள் உள்ளிட்ட வனவிலங்குகள் நடமாட்டம் காணப்படுகிறது. ஆனால் அந்த பகுதியில் உள்ள தெருவிளக்குகள் கடந்த சில நாட்களாக ஒளிராமல் கிடக்கிறது. இதனால் இரவில் அந்த பகுதியே இருள் சூழ்ந்து காணப்படுகிறது. இதன் காரணமாக வனவிலங்குகள் நடமாட்டம் அதிகரிக்கும் சூழல் உள்ளது. இதனால் வீட்டை விட்டு வெளியே வரவே பொதுமக்கள் அச்சப்படுகிறார்கள். எனவே பழுதடைந்த தெருவிளக்குகளை சீரமைத்து, மீண்டும் ஒளிர வைக்க அதிகாரிகள் ஆவன செய்ய வேண்டும்.