தாழ்வாக செல்லும் மின் கம்பிகள்

நாகை மாவட்டம் தலைஞாயிறு பேரூராட்சிக்கு உட்பட்ட சந்தானதெரு பகுதியில் மின்கம்பிகள் தாழ்வாக செல்கிறது. இதன்காரணமாக அந்த வழியாக அறுவடை எந்திரங்கள் உள்ளிட்ட கனரக வாகனங்கள் செல்வதில் சிக்கல் ஏற்பட்டுள்ளது. மேலும், மின்கம்பிகளுக்கு அருகே மரக்கிளைகளும் வளர்ந்துள்ளன. இதனால் மின்கம்பிகள் கிளைகளுடன் சிக்கிக்கொள்வதால் அடிக்கடி மின்தடையும் ஏற்படுகிறது. எனவே, சம்பந்தப்பட்ட அதிகாரிகள் அசம்பாவிதம் எதுவும் ஏற்படும் முன்பு மேற்கண்ட பகுதியில் தாழ்வாக செல்லும் மின்கம்பிகளை சீரமைத்து உயர்த்திட நடவடிக்கை எடுப்பார்களா?