கூரையின் அருகே செல்லும் மின்கம்பிகள்

நாகை மாவட்டம் திருமருகல் ஒன்றியம் கோபுராஜபுரம் பண்டகசாலை தெருவில் மின்கம்பிகள் தாழ்வாக செல்கின்றன. இவை வீடுகளின் மேற்கூரையை உரசி கொண்டு செல்வதால் அடிக்கடி மின் தடை ஏற்படுகிறது, விபத்துகள் ஏற்படவும் வாய்புள்ளதாக அப்பகுதி பொதுமக்கள் அச்சம் தெரிவிக்கின்றனர். இதுபற்றி, பல முறை புகார் அளித்தும் எந்தவித நடவடிக்கையும் எடுக்கவில்லை. எனவே பெரும் அசம்பாவிதம் நடப்பதற்குள் சம்பந்தப்பட்ட அதிகாரிகள் தகுந்த நடவடிக்கை எடுத்து மின் கம்பிகளை உயர்த்தி கட்ட வேண்டும் என அப்பகுதி பொதுமக்கள் கோரிக்கை விடுத்துள்ளனர்.