மின்விளக்கு வசதி வேண்டும்

தஞ்சை மாவட்டம் பசுபதிகோவில் ஊராட்சி 4-வது வார்டு துளசேந்திரபுரம் பகுதியில் முறையான மின்விளக்கு வசதி இல்லை. குறிப்பாக ஓத்தைவீடு அய்யம்பேட்டை இணைப்பு சாலையில் மின்விளக்குகள் அமைக்கப்படாமல் உள்ளது. இதன்காரணமாக இரவு நேரங்களில் அந்த பகுதி முழுவதும் இருள் சூழ்ந்து காணப்படுகிறது. மேலும், சாலையின் இருபுறமும் போக்குவரத்துக்கு இடையூறாக செடி,கொடிகள் அடர்ந்து வளர்ந்துள்ளன. இதன்காரணமாக பொதுமக்கள், வாகன ஓட்டிகள் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் மின்விளக்கு வசதி செய்து தரவும், சாலையோர செடி,கொடிகளை அகற்றவும் நடவடிக்கை எடுப்பார்களா?