சரக்கு வாகனங்களில் மனிதர்களை ஏற்றும் அவலம்

கண்ணமங்கலம் பகுதியைச் சுற்றிலும் ஏராளமான கிராமங்கள் உள்ளன. இந்தக் கிராமங்களில் வேலூர், ஆரணி, ஆற்காடு ஆகிய டவுன் பஸ்கள் வந்து செல்கின்றன. இந்தக் கிராமங்களில் இருந்து மக்கள் வெளியூர் செல்லும்போது பல நிகழ்ச்சிகளுக்கு சரக்கு வேன், சரக்கு லாரி உள்ளிட்ட வாகனங்களில் ஏறி செல்கின்றனர். லாரிகளில் மனிதர்கள் பயணம் செய்வது சரியல்ல என்று தெரிந்தும் டிரைவர்கள் கூட்டமாக மனிதர்களை அழைத்துச் செல்கின்றனர். இதைத் தடுக்க யாரும் இல்லை என்பதால் தொடர்ந்து இது போன்ற சம்பவங்கள் நடக்கின்றன. போக்குவரத்துப் போலீசார் சரக்கு வாகனங்களில் மனிதர்களை ஏற்றிச்செல்வோரை தடுக்க வேண்டும். இல்லையேல் அபராதம் விதிக்க வேண்டும்.

-பிரியதர்ஷினி, கண்ணமங்கலம்.