அரசு பஸ் வசதி தேவை

அரியலூர் மாவட்டம் கருப்பிலாக்கட்டளை கிராமத்தில் 200-க்கும் மேற்பட்ட குடும்பத்தினர் வசித்து வரும் நிலையில், கீழப்பழுவூர், அரியலூர் உள்ளிட்ட பகுதிகளுக்கு செல்ல போதிய பஸ் வசதி இல்லை. இதனால் பொருளாதாரத்தில் பின்தங்கியவர்கள் நடந்தே செல்ல வேண்டிய சூழல் உள்ளது. மேலும் பெண்கள், முதியவர்கள் உள்ளிட்டோர் வெளியூர்களுக்கு செல்ல சிரமப்படுகின்றனர். எனவே பொதுமக்களின் நலன் கருதி கருப்பிலாக்கட்டளை வழியாக அரசு பஸ் இயக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.