பயனற்ற பயணிகள் நிழற்குடை

திருச்சி மாவட்டம் திருவானைக்காவல் சோதனை சாவடி அருகே பஸ் நிறுத்தம் அமைக்கப்பட்டு உள்ளது. இந்த நிலையில் இந்த பஸ் நிறுத்தத்தில் பஸ்கள் நிற்காமல் சோதனை சாவடியை தாண்டி சென்று நிற்கிறது. இதனால் பயணிகள், முதியவர்கள் பெரிதும் அவதிப்படுகின்றனர். எனவே இப்பகுதியில் அமைக்கப்பட்டுள்ள பயணிகள் நிழற்குடை பயனற்று காணப்படுகிறது. பயணிகளும் வழக்கம்போல் பஸ் நிற்கும் இடத்திலேயே நின்று பயணிக்கின்றனர். எனவே பயணிகள் நிழற்குடையை பயன்பாட்டிற்கு கொண்டு வர பஸ்கள் இந்த பயணிகள் நிழற்குடை அருகில் நின்று சொல்ல சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.