இரவு நேரத்தில் பஸ்கள் இன்றி அவதி

புதுக்கோட்டை மாவட்டம் கறம்பக்குடியிலிருந்து புதுக்கோட்டை, தஞ்சாவூர், பட்டுக்கோட்டைக்கு இரவு 12 மணி வரை தனியார் மற்றும் அரசு பஸ்கள் இயக்கப்பட்டு வந்தன. அதேபோல் அதிகாலை 3 மணி தொடங்கி பஸ் போக்குவரத்து இருந்தது. ஆனால் கொரோனா காலத்திற்கு பின்னர் இரவு நேரத்தில் பஸ்கள் சரிவர இயக்கப்படுவது இல்லை. தனியார் பஸ்கள் 9 மணிக்கு பின்னர் இயங்குவது இல்லை. இதனால் வெளியூரில் வேலை பார்த்துவிட்டு வீடு திரும்பும் தொழிலாளர்கள், அரசு அலுவலர்கள் என பலரும் பாதிக்கப்படுகின்றனர். எனவே கறம்பக்குடி வழித்தடத்தில் உரிமம் உள்ள அனைத்து பஸ்களும் இரவு நேரத்தில் இயக்க நடவடிக்கை எடுக்க வேண்டும் என கேட்டுக்கொள்கிறோம்.