ஆபத்தான பயணிகள் நிழற்குடை

புதுக்கோட்டை மாவட்டம், கறம்பக்குடி ஒன்றியம், மாங்கோட்டை ஊராட்சி அரசு உயர்நிலைப்பள்ளி அருகில் பயணிகள் நிழற்குடை அமைக்கப்பட்டு உள்ளது. இந்த நிழற்குடை அமைக்கப்பட்ட பல ஆண்டுகள் ஆனதால் தற்போது சிதிலமடைந்து மிகவும் ஆபத்தான நிலையில் காணப்படுகிறது. எனவே பொதுமக்கள் நடமாட்டத்தின்போது இந்த பயணிகள் நிழற்குடை இடிந்து விழுந்தால் உயிரிழப்புகள் ஏற்பட அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.