கூடுதல் பஸ்கள் வேண்டும்

நாமக்கல் மாவட்டம் ராசிபுரம் அருகே ஆண்டகளூர் கேட்டில் உள்ள அரசு கலைக்கல்லூரியில் சுமார் 3 ஆயிரத்திற்கும் மேற்பட்ட மாணவ, மாணவிகள் படித்து வருகின்றனர். அதேபோல் நாமக்கல் செல்லும் வழியில் தனியார் கல்லூரிகளும் செயல்பட்டு வருகின்றன. ராசிபுரத்தில் இருந்து இந்த கல்லூரிகளுக்கு செல்லும் பஸ்களில் கூட்டம் நிரம்பி வழிவதால் மாணவ, மாணவிகள் படிக்கட்டுகளில் தொங்கியவாறு சென்று வருகின்றனர். இதனால் விபத்து ஏற்பட வாய்ப்புள்ளது. எனவே காலை, மாலை நேரங்களில் பள்ளி, கல்லூரிகளுக்கு செல்லும் மாணவர்களின் வசதிக்காக கூடுதலாக அரசு டவுன் பஸ்களை இயக்க வேண்டும்.

-தாமரைச்செல்வன், ஆண்டகளூர்கேட்