புகார்பெட்டி எதிரொலி

திருவாரூர் புதிய பஸ் நிலையத்தில் பயணிகள் அமர்வதற்கு போதிய இருக்கை வசதிகள் இல்லாமல் இருந்தது. இதனால் பயணிகள் நின்றபடி பஸ்சுக்காக காத்திருந்த சூழல் நிலவியது. இதன்காரணமாக வயதானவர்கள், பள்ளி மாணவ-மாணவிகள் மிகுந்த சிரமத்துக்குள்ளாகி வந்தனர். இதுகுறித்து "தினத்தந்தி" புகார்பெட்டியில் செய்தி வெளியானது. இதைத்தொடர்ந்து சம்பந்தப்பட்ட அதிகாரிகள் உடனடியாக திருவாரூர் பஸ் நிலையத்தில் இருக்கைகள் அமைத்தனர். இதனால் மகிழ்ச்சி அடைந்த பொதுமக்கள் "தினத்தந்தி" நாளிதழுக்கும், நடவடிக்கை எடுத்த அதிகாரிகளுக்கும் நன்றியையும்,பாராட்டையும் தெரிவித்துள்ளனர்.