பஸ் நிறுத்தத்தில் பஸ்கள் நிற்குமா!

சேலத்தில் இருந்து தம்மம்பட்டி செல்லும் வழியில் பாலக்காடு கிராமம் உள்ளது. இந்த வழியாக செல்லும் அரசு பஸ்கள் பாலக்காடு பஸ் நிறுத்தத்தில் நிற்காமல் செல்கிறது. இதனால் பாலக்காடு கிராமத்தில் உள்ள மாணவ-மாணவிகள் சேலத்தில் உள்ள பள்ளி, கல்லூரி செல்ல வேண்டும் என்றால் கீரிப்பட்டி, முக்கோணம் அல்லது மல்லியக்கரை பஸ் நிறுத்தத்திற்கு செல்ல வேண்டிய நிலை உள்ளது. எனவே கல்லூரி மாணவ-மாணவிகளின் நலன் கருதி சேலத்தில் இருந்து தம்மம்பட்டி செல்லும் அரசு பஸ்கள் பாலக்காடு பஸ் நிறுத்தத்தில் நின்று செல்ல நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.

-தங்கரத்தினம், பூசாரிப்பட்டி.