பஸ் நிறுத்தம் தேவை

திருவாரூர் மாவட்டம் புலிவலம் ஊராட்சி திருத்துறைப்பூண்டி சாலையில் வாளவாய்க்கால் பஸ் நிறுத்தம் இருந்தது. இந்த பஸ் நிறுத்தம் இடித்து அகற்றப்பட்டது. ஆனால் அதற்கு மாற்றாக பஸ் நிறுத்தம் அமைக்கப்படவில்லை. இதனால் அந்த பகுதியில் உள்ள பொது மக்கள் மாணவ-மாணவிகள் மிகுந்த சிரமத்துக்குள்ளாகி வருகின்றனர். குறிப்பாக பஸ்சுக்காக மழையிலும், வெயிலிலும் பயணிகள் காத்துநிற்கின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் ஆய்வு செய்து பஸ் நிறுத்தம் அமைக்க நடவடிக்கை எடுக்க வேண்டும்.