வாகன ஓட்டிகள் அவதி

நாமக்கல் மாவட்டம் பள்ளிபாளையம் பஸ் நிலைய ரோட்டில் கடந்த சில மாதங்களாக மேம்பால பணிகள் நடந்து வருகிறது. சாலையில் வாகனங்கள் செல்லும் போது புழுதி பறக்கிறது. இதனால் வாகனங்களில் செல்பவர்கள், நடந்து செல்பவர்கள் கண்களில் தூசி விழுவதால் சிரமப்பட்டு செல்கின்றனர். மேலும் எதிரே செல்லும் வாகனங்கள் தெரியாமல் அதில் மோதி கீழே விழுந்து காயம் அடைகின்றனர். எனவே வாகன ஓட்டிகள் நலன் கருதி சாலைகளில் நீர் ஊற்ற சம்பந்தப்பட்ட அதிகாரிகள் நடவடிக்கை எடுக்க வேண்டும் என்று பொதுமக்கள் கோரிக்கை வைத்துள்ளனர்.