போக்குவரத்துக்கு இடையூறு

கண்ணமங்கலம் புதிய பஸ் நிலையத்தில் வேலூர், திருவண்ணாமலை செல்லும் பஸ்கள் சாலையில் நின்று செல்வதால் பயணிகளும் சாலையோரம் நின்று பயணம் செய்து வருவது அறிந்ததே. ஆனால் ஆரணி, ஆற்காடு பகுதியில் இருந்து வரும் சில டவுன் பஸ்கள் போக்குவரத்துக்கு இடையூறாக பஸ் நிலையத்தில் உள்ள பொதுமக்கள் செல்லும் வழியில் நிறுத்தி விடுவதால் அந்த வழியே யாரும் நடந்து செல்ல முடியவில்லை. குறுகிய இடத்தில் பஸ்களை நிறுத்தக் கூடாது என போலீசார் அறிவுறுத்த வேண்டும்.

-சிவானந்தம், கண்ணமங்கலம்.