போக்குவரத்து - Page 233

கோத்தகிரியில் இருந்து குன்னூர் மற்றும் ஊட்டிக்கு செல்லும் பிரதான சாலையில் பாண்டியன் பூங்கா உள்ளது. இங்கு சாலையின் இருபுறமும் போக்குவரத்துக்கு இடையூறாக வாகனங்கள் நிறுத்தி வைக்கப்படுகின்றன. இதனால் அந்த வழியாக நடந்து செல்லும் பொதுமக்கள் சாலையில் நடந்து செல்லும் நிலை உள்ளது. இதன் காரணமாக அவர்கள் விபத்தில் சிக்கும் அபாயம் காணப்படுகிறது. மேலும் சாலையும் குறுகலாகி விடுவதால், வாகனங்கள் ஒன்றையொன்று கடந்து செல்ல சிரமப்பட வேண்டி உள்ளது. எனவே அங்கு வாகனங்களை நிறுத்துவதை தடுக்க வேண்டும்.

ஆதரவு: 0

Enter Name and Email

Error in submitting

23 Aug 2023 8:48 AM GMT

-ஜாண்சன் | விளவங்கோடு

#38481

போக்குவரத்துக்கு இடையூறு

அருமனை பேரூராட்சிக்குட்பட்ட கோணத்துவிளையில் சமூகநலக்கூடம் செல்லும் சாலை உள்ளது. இந்த சாலைக்கு நடுவே விபத்து ஏற்படுத்தும் வகையில் மின்கம்பம் அமைக்கப்பட்டுள்ளது. இதனால் அந்த வழியாக பள்ளி வாகனங்கள் உள்பட பிற வாகனங்கள் செல்வதற்கு இடையூறாக உள்ளது. எனவே போக்குவரத்துக்கு இடையூறாக அமைக்கப்பட்டுள்ள மின்கம்பத்தை அகற்றி விட்டு சாலையோரத்தில் நடுவதற்கு சம்மபந்தப்பட்ட அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

23 Aug 2023 8:46 AM GMT

-பாலா, | நாகர்கோவில்

#38480

பஸ்சை மீண்டும் இயக்க வேண்டும்

நாகர்கோவில்-பள்ளம், மேலகிருஷ்ணன்புதூர்-நாகர்கோவில், மணக்குடி-நாகர்கோவில் ஆகிய பகுதிகளுக்கு 36, 36 ‘பி’ அரசு பஸ்கள் இயப்பட்டு வந்தது. இந்த பஸ் மூலம் மேலசரக்கல்விளை, கீழ சரக்கல்விளை பகுதியை சேர்ந்த கல்லூரி மாணவ-மாணவிகள், வேலைக்கு செல்லும் பெண்கள் பயன்பெற்று வந்தனர். தற்போது இந்த பஸ் மேலசரக்கல்விளை, கீழ சரக்கல்விளை வழித்தடத்தில் நிறுத்தப்பட்டுள்ளது. இதனால், அந்த பகுதியை சேர்ந்த பள்ளி, கல்லூரி மாணவ-மாணவிகள், வேலைக்கு செல்லும் பெண்கள் பெரும் சிரமத்திற்கு உள்ளாகி வருகின்றனர். எனவே பொதுமக்கள் நலன்...

ஆதரவு: 0

Enter Name and Email

Error in submitting

20 Aug 2023 5:57 PM GMT

பயணிகள் | கள்ளக்குறிச்சி

#38466

போக்குவரத்துக்கு இடையூறு

கள்ளக்குறிச்சி கச்சேரி சாலை மற்றும் துருகம் சாலையின் ஓரத்தில் ஆட்டோக்கள் தாறுமாறாக நிறுத்தப்படுகின்றன. இதனால் போக்குவரத்துக்கு இடையூறு ஏற்படுவதால், பொதுமக்கள் அவதி அடைந்து வருகின்றனர். இதன் காரணமாக விபத்து ஏற்படும் அபாயமும் உள்ளது. இதை தவிர்க்க போக்குவரத்து போலீசார் உரிய நடவடிக்கை எடுக்க வேண்டும்.

ஆதரவு: 1

Enter Name and Email

Error in submitting

20 Aug 2023 5:53 PM GMT

பயணிகள் | விருத்தாச்சலம்

#38456

நிறுத்தப்பட்ட பஸ் மீண்டும் இயக்கப்படுமா?

விருத்தாசலத்தில் இருந்து முத்தாண்டிக்குப்பம், கீழக்குப்பம், குள்ளஞ்சாவடி வழியாக கடலூர் வரை இயக்கப்பட்டு வந்த தடம் எண் 263 என்ற அரசு பஸ் தற்போது இயக்கப்படவில்லை. இதனால் பள்ளி, கல்லூரி மாணவர்கள், பணியாளர்கள் உள்ளிட்ட அனைத்து தரப்பு மக்களும் அவதி அடைந்து வருகின்றனர். எனவே நிறுத்தப்பட்ட பஸ்சை மீண்டும் இயக்க போக்குவரத்து துறை அதிகாரிகள் நடவடிக்கை எடுப்பார்களா?

ஆதரவு: 0

Enter Name and Email

Error in submitting

20 Aug 2023 5:49 PM GMT

Mr.Nagarajan | கிருஷ்ணகிரி

#38450

கூடுதல் பஸ்கள் இயக்கப்படுமா?

சூளகிரியில் இருந்து தினமும் ஏராளமானவர்கள் பணி நிமித்தமாக ஓசூருக்கும், பெங்களூருவுக்கும், கிருஷ்ணகிரி நகருக்கும் செல்கிறார்கள். குறிப்பாக சனி, ஞாயிற்றுக்கிழமைகளில் கிருஷ்ணகிரி, ஓசூர் பஸ் நிலையங்களில் அதிக அளவில் பயணிகள் கூட்டங்கள் இருப்பதால் சூளகிரி பஸ் நிலையத்திற்குள் அரசு மற்றும் தனியார் பஸ்கள் பெரும்பாலானவை வருவதில்லை. ஆகவே சூளகிரி பகுதியில் இருந்து ஓசூர், பெங்களூரு, கிருஷ்ணகிரி நகரங்களுக்கு விடுமுறை நாட்களில் கூடுதல் பஸ்கள் இயக்கவும், அனைத்து பஸ்களும் சூளகிரி பஸ் நிலையம் வந்து செல்லவும்...

ஆதரவு: 0

Enter Name and Email

Error in submitting

20 Aug 2023 5:40 PM GMT

குருசாமி | பாளையங்கோட்டை

#38436

பஸ் நிறுத்தம் அமைக்கப்படுமா?

பாளையங்கோட்டை சீனிவாசகம் நகரில் உள்ள அரசு சூப்பர் ஸ்பெஷாலிட்டி ஆஸ்பத்திரிக்கு திருச்செந்தூர், தூத்துக்குடி பகுதியில் இருந்து வரும் பயணிகள், கே.டி.சி. நகர் பஸ் நிறுத்தத்தில் இறங்கி நெடுந்தூரம் நடந்து வர வேண்டி உள்ளது. எனவே பொதுமக்கள் பயன்பெறும் வகையில், சீனிவாசகம் நகரில் பஸ் நிறுத்தம் அமைப்பதற்கு அதிகாரிகள் ஏற்பாடு செய்ய வேண்டுகிறேன்.

ஆதரவு: 0

Enter Name and Email

Error in submitting

20 Aug 2023 5:16 PM GMT

கோ.லட்சுமிநாராயணன் | அரக்கோணம்

#38417

கூடுதல் பஸ் இயக்க வேண்டும்

அரக்கோணத்தை அடுத்த அன்வர்திகான்பேட்டை ஊராட்சியைச் சுற்றி பல்வேறு கிராமங்கள் உள்ளன. அங்குள்ள மாணவ-மாணவிகள் பள்ளி, கல்லூரிக்கு சென்று படிக்க பஸ்கள் சரிவர இயக்கப்படவில்லை. இதனால் மாணவ-மாணவிகள் கடும் அவதிப்பட்டு வருகின்றனர். போக்குவரத்துக்கழக அதிகாரிகள் அன்வர்திகான்பேட்டைக்கு கூடுதல் பஸ்களை இயக்க நடவடிக்கை எடுக்க வேண்டும். -கோ.லட்சுமிநாராயணன், அன்வர்திகான்பேட்டை.

ஆதரவு: 1

Enter Name and Email

Error in submitting

20 Aug 2023 4:37 PM GMT

K. RAJANAYAGAM | ஆரணி

#38393

நிறுத்தங்களில் நிற்காத பஸ்கள்

கண்ணமங்கலம் பகுதி பஸ் நிறுத்தங்களில் காைல, மாலை நேரங்களில் பயணிகள், மாணவ, மாணவிகள் கூட்டமாக நிற்கின்றனர். அவர்களை பார்த்தவுடன் பஸ்சை டிரைவர்கள், கண்டக்டர்கள் பஸ் நிறுத்தங்களில் நிற்காமல் தொலைவில் நிறுத்தி பயணிகளை இறக்கி விட்டு செல்கிறார்கள். பயணிகள் வேகமாக ஓடி வந்து ஏறுவதற்குள் பஸ்கள் சென்று விடுகின்றன. இதுதொடர்பாக போக்குவரத்துக் கழக அதிகாரிகள் நடவடிக்கை எடுக்க வேண்டும். -செல்வம், கண்ணமங்கலம்.

ஆதரவு: 0

Enter Name and Email

Error in submitting

20 Aug 2023 4:35 PM GMT

கவுரிநாதன் | மதுரை கிழக்கு

#38389

பஸ் இயக்கப்படுமா?

வாடிப்பட்டியில் இருந்து ஆண்டிபட்டி பங்களா,சோழவந்தான்,தச்சம்பத்து,திருவேடகம்,மேலக்கால்,தேன்கல்பட்டி,செக்காணூரணி, கரடிக்கல் வழியாக திருமங்கலம் வரை இயக்கப்பட்டு வந்த 999 வழித்தட பஸ் நிறுத்தப்பட்டு உள்ளது. இதனால் மாணவர்கள்,பொதுமக்கள் சிரமப்படுகின்றனர்.எனவே மீண்டும் இந்த வழித்தடத்தில் பஸ்சை இயக்க நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

20 Aug 2023 4:34 PM GMT

K. RAJANAYAGAM | செங்கம்

#38388

போக்குவரத்து நெரிசல்

போளூர்-செங்கம் சாலையில் உள்ள நட்சத்திர கோவில் பகுதியில் அடிக்கடி கடும் போக்குவரத்து நெரிசல் ஏற்படுகிறது. மேலும் சாலை ஆக்கிரமிப்பாலும், போக்குவரத்து நெரிசலாலும் அங்கு வரும் பக்தர்கள், பயணிகள், வாகன ஓட்டிகள் அவதிப்படுகின்றனர். சம்பந்தப்பட்ட அதிகாரிகள் நடவடிக்கை எடுத்து போக்குவரத்து நெரிசலை தடுக்க வேண்டும். -சன்மு, செங்கம்.

ஆதரவு: 0

Enter Name and Email

Error in submitting

20 Aug 2023 3:53 PM GMT

பொதுமக்கள் | பவானிசாகர்

#38375

போக்குவரத்துக்கு இடையூறு

சத்தியமங்கலம் அரியப்பம்பாளையம் பேரூராட்சிக்குட்பட்ட திம்மையன்புதூர் 3-வது வார்டில் உள்ள மெயின் வீதி சாலையில் மின்கம்பம் உள்ளது. இதனால் போக்குவரத்துக்கு இடையூறு ஏற்படுகிறது. இரவு நேரங்களில் அந்த வழியாக வரும் வாகனங்கள் மின்கம்பத்தில் மோதி விபத்து ஏற்பட வாய்ப்புள்ளது. அதற்கு முன்பு மின்கம்பத்தை அகற்றி ரோட்டோரம் மாற்றி அமைக்க மின்வாரிய அதிகாரிகள் முன்வருவார்களா?

ஆதரவு: 0