அரசு டவுன் பஸ்கள் நின்று செல்ல வேண்டும்

அரியலூர் மாவட்டம், மீன்சுருட்டி அருகே உள்ள நெல்லித்தோப்பு கிராமத்தில் 4 வழிச்சாலை மற்றும் மேம்பாலம் அமைக்கும் பணியும் நடைபெற்று வருகிறது. மேம்பாலம் சாலை பணி முடிந்து போக்குவரத்துக்கு அனுமதிக்கப்பட்ட நிலையில், சென்னை மற்றும் கும்பகோணம் செல்லும் அரசு பஸ்கள் மேம்பாலம் சாலையின் வழியாக செல்கிறது. இதேபோல் ஜெயங்கொண்டம்-கடலூர் மாவட்டம் காட்டுமன்னார்கோவில் செல்லும் அரசு டவுன் பஸ்கள் நெல்லித்தோப்பு பஸ் நிறுத்தத்தில் செல்லாமல், மேம்பாலத்தின் வழியாக செல்வதால் பள்ளி, கல்லூரி செல்லும் மாணவர்கள் மற்றும் வேலைக்கு செல்லுபவர்கள் மிகுந்த சிரமத்திற்கு ஆளாகி வருகின்றனர். உடனடியாக நெல்லித்தோப்பு கிராமத்தில் அரசு டவுன் பஸ்கள் நின்று செல்ல சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.