திறக்கப்படாத பஸ் நிலையம்

புதுக்கோட்டை மாவட்டம், கறம்பக்குடி பஸ் நிலையத்தில் புதிய கட்டிடம் கட்டப்பட்டு 3 ஆண்டுகளுக்கு மேல் ஆகியும் இன்னும் திறக்கப்படவில்லை. இதனால் பஸ்கள் சாலையோரத்தில் நிறுத்தப்படுகின்றன. சில பஸ்கள் பஸ் நிலையத்திற்கு வராமலே சென்று விடுகின்றன. இதனால் பயணிகள் பெரிதும் சிரமப்படுகின்றனர். பஸ் நிலையம் செயல்படாததால் வியாபாரிகளும் கடுமையாக பாதிக்கப்பட்டுள்ளனர். எனவே கறம்பக்குடி பஸ் நிலைய கட்டிடத்தை விரைவாக திறக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.