நிறுத்தப்பட்ட பஸ் மீண்டும் இயக்கப்படுமா?

கோவில்பட்டியில் இருந்து காமநாயக்கன்பட்டி, போடுபட்டி வழியாக புங்கவர்நத்தத்துக்கு தினமும் காலை, மதியம், மாலையில் அரசு டவுன் பஸ் இயக்கப்பட்டது. கோவில்பட்டியில் உள்ள பள்ளி, கல்லூரிகளில் பயிலும் மாணவ-மாணவிகள் இந்த பஸ்சை பெரிதும் பயன்படுத்தினர். இந்த நிலையில் கடந்த சில மாதங்களாக இந்த பஸ் இயக்கப்படாததால் மாணவ-மாணவிகள், பொதுமக்கள் பெரிதும் அவதிப்படுகின்றனர். எனவே நிறுத்தப்பட்ட பஸ்சை மீண்டும் இயக்குவதற்கு அதிகாரிகள் நடவடிக்கை மேற்கொள்வார்களா?