வேகத்தடைகள் அமைக்கப்படுமா?

திருச்சி மாநகராட்சி செல்வ நகர் பகுதியில் கடந்த சில மாதங்களுக்கு முன்பு புதிதாக தார் சாலை அமைக்கப்பட்டது. இந்த நிலையில் செல்வநகர் 2-வது வீதியின் குறுக்கே செல்லும் 3-வது குறுக்கு தெருவுக்கு செல்லும் சாலைகள் சந்திப்பு இடத்தில் நான்கு புறமும் வாகனங்கள் வேகமாக வருவதினால் அடிக்கடி விபத்து ஏற்பட்டு வருகிறது. மேலும் செல்வநகர் மெயின் சாலையில் மற்ற சாலைகள் சந்திக்கும் இடங்களில் வேகத்தடைகள் இல்லாமல் உள்ளதால் வேகமாக வரும் வாகனங்களால் வாகன ஓட்டிகள் விபத்தில் சிக்கிக்கொள்கின்றனர். எனவே விபத்தை தடுக்கும் வகையில், இப்பகுதியில் வேகத்தடைகள் அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.