வேகமாக செல்லும் லாரிகளால் விபத்து

கரூர் மாவட்டம் புன்னம் சத்திரம் சுற்றுவட்டார பகுதியில் செயல்பட்டு வரும் கல்குவாரிகளில் இருந்து லாரிகளில் ஏராளமான ஆரளைக் கற்களை ஏற்றிக்கொண்டு கரூர், நாமக்கல், ஈரோடு, திண்டுக்கல் உள்ளிட்ட பல்வேறு மாவட்டங்களுக்கு கொண்டு சென்று கற்களை இறக்கிவிட்டு வருகின்றனர் .அவ்வாறு லாரிகளில் கற்களை கொண்டு செல்லும் போது லாரியின் பாடி மட்டத்திற்கு மேல் கற்களை ஏற்றிக்கொண்டு அதிவேகமாக செல்கின்றனர். இதனால் பாடி மட்டத்திற்கு மேல் உள்ள கற்கள் லாரி நிலை தடுமாறும் போதும், மேடு, பள்ளங்களில் ஏறி இறங்கும்போதும் கீழே விழுந்து வருகிறது. இதன் காரணமாக இரு சக்கர வாகனத்தில் செல்லும் வாகன ஓட்டிகள் மீது கற்கள் தவறி விழுந்து விபத்து ஏற்பட்டு வருகிறது. எனவே போக்குவரத்து துறை அதிகாரிகள் சம்பந்தப்பட்ட லாரி டிரைவர்கள் மீது நடவடிக்கை எடுக்க வேண்டும் என வாகன ஓட்டிகள் கோரிக்கை விடுத்துள்ளனர்.