வாகன ஓட்டிகள் அவதி

புதுக்கோட்டை மாவட்டம், கறம்பக்குடி அருகே உள்ள வெட்டன்விடுதியில் புதுக்கோட்டை செல்லும் பிரதான சாலை மற்றும் ஊராட்சிக்கு சொந்தமான சாலைகள் அனைத்தும் குண்டும், குழியுமாக போக்குவரத்துக்கு லாயக்கற்ற நிலையில் உள்ளது. மேலும் மழை பெய்தால் சாலைகளில் தண்ணீர் குளம் போல் தேங்கி கிடக்கிறது. இதனால் வாகன ஓட்டிகள், வியாபாரிகள், நடந்து செல்பவர்கள் மாணவ-மாணவிகள் என அனைத்து தரப்பினரும் பெரும் அவதிப்படுகின்றனர். என இந்த சாலையால் அடிக்கடி விபத்துகளும் ஏற்படுகின்றன. எனவே வெட்டன் விடுதி சாலைகளை உடனடியாக சீரமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என அப்பகுதி பொதுமக்கள், சமூக ஆர்வலர்கள் கோரிக்கை விடுத்துள்ளனர்.