இடிந்து விழும் நிலையில் பயணிகள் நிழலகம்

மயிலாடுதுறை மாவட்டம் மணல்மேடு அருகே வரதம்பட்டு ஊராட்சியில் நடுத்திட்டுகாலனியில் பயணிகள் நிழலகம் உள்ளது. இந்த பயணிகள் நிழலகம் முறையான பராமரிப்பின்றி சேதமடைந்து காணப்படுகிறது. குறிப்பாக நிழலகத்தின் மேற்கூரையில் சிமெண்டு காரைகள் பெயர்ந்து இரும்பு கம்பிகள் வெளியே தெரிகிறது. பக்கவாட்டு சுவர்களிலும் விரிசல்கள் ஏற்பட்டுள்ளது. இதனால் பயணிகள் நிழலகம் இடிந்து விழும் நிலையில் இருக்கிறது. எனவே, அசம்பாவிதம் எதுவும் ஏற்படும் முன் சம்பந்தப்பட்ட அதிகாரிகள் மேற்கண்ட பிரச்சினைக்கு உரிய தீர்வு காண நடவடிக்கை எடுப்பார்களா?