அதிக பாரத்துடன் செல்லும் டிப்பர் லாரிகள்

அரியலூர் மாவட்டத்தில் 9 சிமெண்டு ஆலைகள் மற்றும் 73 அரசு மற்றும் தனியார் சுண்ணாம்புக்கல் சுரங்கங்கள் செயல்பட்டு வருகிறது. சுண்ணாம்பு கற்களை பல்வேறு கிராமங்களிலுள்ள சுரங்கத்திலிருந்து 24 மணி நேரமும் டிப்பர் லாரிகள் மூலம் தார்பாய் போடாமல் அரியலூரிலுள்ள சிமெண்டு ஆலைகளுக்கு கொண்டு செல்லப்படுகிறது. அதிக பாரத்துடன் சாலையில் உள்ள வேகத்தடையில் வேகத்தை குறைக்காமல் செல்வதால் அடிக்கடி லாரிகளிலிருந்து சுண்ணாம்புக்கல் சிதறி சாலையில் விழுகிறது. இதனால் சாலை வழியே செல்லும் இருசக்கர வாகன ஓட்டிகள், 108 ஆம்புலன்ஸ் வாகனம் என அனைத்து வாகன ஓட்டிகளும் மிகவும் சிரமப்படுகின்றனர். சில சமயங்களில் போக்குவரத்து நெரிசல் ஏற்படுகிறது. மேலும் சிமெண்டு ஆலைகளுக்கு நெய்வேலியிலிருந்து கனரக லாரிகள் மூலம் நிலக்கரி ஏற்றி வரும்போது சாலையில் சிதறி விழுகிறது. அதிக பாரத்துடன் நிலக்கரி லாரிகள், சுண்ணாம்புக்கல் லாரிகள் மின்னல் வேகத்தில் செல்வதால் சாலைகள் சேதம் அடைந்து ஆங்காங்கே பள்ளம் ஏற்பட்டுள்ளது. இதனால் அதிக அளவில் விபத்துக்கள் நிகழ்கிறது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.