தடுப்புச்சுவர் அமைக்கப்படுமா?

அரியலூர் மாவட்டம், வி.கைகாட்டியில் அரியலூர்-ஜெயங்கொண்டம் சாலையில் 24 மணி நேரமும் அதிகளவில் சிமெண்டு தொழிற்சாலைகளுக்கு செல்லும் கனரக வாகனங்கள் மற்றும் நிலக்கரி ஏற்றி செல்லும் லாரிகள் என அனைத்தும் அதிவேகத்தில் செல்கிறது. குறிப்பாக அரியலூர் சாலை வழியாக பல்வேறு ஊர்களுக்கு பொதுமக்கள் கூலி வேலைக்கு இரு சக்கர வாகனங்கள் மூலமாக சென்று வருகின்றனர். மேலும் பொது மக்கள் அதிகமாக வந்து செல்லும் பகுதியான மாரியம்மன் கோவில், தனியார் வங்கி, பெட்ரோல் விற்பனை நிலையம் என பல்வேறு நிறுவனங்கள் இயங்குகின்றன. இங்கு நடந்தும், இருசக்கர வாகனங்கள் மூலமும் வரும் பொதுமக்களுக்கு போதிய பாதுகாப்பு இல்லை. வி.கைகாட்டி மேம்பாலத்திலிருந்து மண்ணுழி பிரிவு பாதை வரை சாலையின் நடுவே தடுப்புச்சுவர் அமைத்தால் அடிக்கடி அதிகளவில் ஏற்படும் விபத்துகளை தடுக்க முடியும். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.