அதிகவேகமாக செல்லும் வாகனங்களால் விபத்து

கரூர் மாவட்டம், நொய்யல் அருகே உள்ள கரூர் -சேலம் தேசிய நெடுஞ்சாலையின் நடுவே உள்ள சென்டர் மீடியாவில் தேசிய நெடுஞ்சாலைத்துறை அதிகாரிகள் பல்வேறு வகையான பூச்செடிகளை வைத்து வளர்த்து வருகின்றனர். இந்நிலையில் தேசிய நெடுஞ்சாலையின் அருகாமையில் உள்ள ஊர்களை சேர்ந்தவர்கள் சென்டர் மீடியாவை உடைத்து அந்த வழியாக கார்கள் ,லாரிகள், வேன்கள்,இருசக்கர வாகனங்கள் என சென்று வருகின்றன. இதனால் தேசிய நெடுஞ்சாலையில் அதிவேகமாக செல்லும் வாகனத்தால் அடிக்கடி விபத்து ஏற்பட்டு வருகிறது. எனவே தேசிய நெடுஞ்சாலையில் நடுவே உள்ள சென்டர் மீடியாவை இடித்து அந்த வழியாக செல்லும் வாகன ஓட்டிகள் மீது நடவடிக்கை எடுத்து விபத்தினை தடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனர்.