சாலை வசதி செய்து தரப்படுமா?

திருப்பத்தூர் அருகே ப.முத்தம்பட்டி 5-வது வார்டு பகுதியில் சாலை வசதி இல்லை. இங்குள்ள பழைய சாலைகள் குண்டும், குழியுமாக உள்ளன. இதனால் அந்தப் பகுதியைச் சேர்ந்த பொதுமக்களும், வாகன ஓட்டிகளும் சாலையில் செல்ல சிரமப்படுகின்றனர். எனவே இங்கு சாலை வசதிைய ஏற்படுத்தி தர அதிகாரிகள் முன் வர வேண்டும்.

அதேபோல் திருப்பத்தூர் அருகே பொம்மிகுப்பம் பஸ் நிறுத்தத்தில் இருந்து அரசு மேல்நிலைப்பள்ளி வரை சாலை வசதி இல்லை. இந்தப் பகுதியில் மழைக்காலங்களில் மழைநீர் தேங்கி சேறும் சகதியுமாக காட்சி அளிக்கிறது. இதனால் பள்ளி செல்லும் மாணவ-மாணவிகள் அவதிப்படுகின்றனர். எனவே சாலை வசதியை ஏற்படுத்தி தர சம்பந்தபட்ட அதிகாரிகள் நடவடிக்கை எடுக்க வேண்டும்.

-குணசேகரன், திருப்பத்தூர்.