விபத்தில் சிக்கும் வாகன ஓட்டிகள்

கோவை மாநகராட்சி 92-வது வார்டுக்கு உட்பட்ட அப்பர் செந்தமிழ் நகரில் விநாயகர் கோவில் எதிரே உள்ள சாலையின் கீழ் பகுதியில் பாதாள சாக்கடை செல்கிறது. இந்த சாக்கடையை சரி செய்ய வசதியாக சாலையில் குழி அமைத்து மூடி போடப்பட்டு உள்ளது. இந்த மூடி அமைக்கப்பட்டு உள்ள பகுதியில் சாலை பழுதடைந்து காணப்படுகிறது. அதாவது அங்கு பள்ளம் ஏற்பட்டு உள்ளது. இதன் காரணமாக அந்த வழியாக செல்லும் வாகனங்கள் பழுதாகி வருகின்றன. குறிப்பாக இருசக்கர வாகன ஓட்டிகள் விபத்தில் சிக்கி வருகின்றனர். எனவே அந்த பள்ளத்தை சரி செய்து மூடியை சரி செய்ய அதிகாரிகள் முன்வர வேண்டும்.

ரிக்சானா பர்வின், சுகுணாபுரம்.