சேதமடைந்த சாலை

தஞ்சை மாவட்டம் பட்டுக்கோட்டை தாலுகா பொன்னவராயன்கோட்டை கிராமத்தில் ஸ்ரீமான் நாடிமுத்துப்பிள்ளை சாலை உள்ளது. இந்த சாலை ஜல்லிக்கற்கள் பெயர்ந்து ஆங்காங்கே குண்டும்,குழியுமாக சேதமடைந்து காணப்படுகிறது. மேலும், சாலையின் இருபுறத்திலும் செடி,கொடிகள் அடர்ந்து வளர்ந்துள்ளது. இதனால் சாலையில் விஷப்பூச்சிகளின் நடமாட்டம் நாளுக்கு நாள் அதிகரித்து வருகிறது. இதன்காரணமாக சாலை வழியாக செல்லும் வாகன ஓட்டிகள் அச்சத்துடனும், சிரமத்துடனும் சென்று வருகின்றனர். எனவே, சம்பந்தப்பட்ட அதிகாரிகள் செடி,கொடிகளை அகற்றி சாலையை சீரமைக்க நடவடிக்கை எடுப்பார்களா?