சேறும் சகதியுமான சாலை

வேலூர் மாநகராட்சி விருப்பாட்சிபுரம் தென்றல் நகர் குடியிருப்பில் கடந்த பல நாட்களாக குடிநீர் குழாய் உடைந்து, அதில் இருந்து வெளியேறும் நீரால் சாலை சேறும் சகதியுமாக இருந்து வருகிறது. தற்போது மழைப் பெய்து வருவதால் சாலையில் பள்ளமான இடங்களில் மழைநீர் தேங்கி குட்டைபோல் காட்சி அளிக்கிறது. சாலை சேறும் சகதியுமாக மாறி வாகனங்கள் செல்ல முடியாத நிலை உள்ளது. சிறுவர், சிறுமிகள், முதியோர் நடந்து செல்ல முடியவில்லை. சேற்றில் வழுக்கி விழும் நிலை உள்ளது. மாநகராட்சி நிர்வாகம் எங்கள் பகுதி சாலையில் தற்காலிக நடவடிக்கையாக முரம்பு மண் கொட்டி சீரமைக்க வேண்டும்.

-கோ.சுந்தரபாண்டியன், வேலூர்.