சாலை விரிவாக்க பணியை விரைந்து முடிக்கப்படுமா?

ராணிப்பேட்டை மாவட்டம் ஆற்காட்டில் முக்கிய சாலையான வேலூர் மெயின் ரோடு பகுதியில் சாலை விரிவாக்கப் பணிகள் நடந்து வருகிறது. அந்தப் பணிகளால் சாலையின் 2 பக்கமும் பள்ளங்கள் எடுக்கப்பட்டு, நிரப்பப்பட்டு வருகிறது. இதனால் சாலையில் போக்குவரத்து நெரிசல் ஏற்படுகிறது. ஒரு சில நேரத்தில் விபத்துகளும் நடக்கின்றன. விபத்துகளை தவிர்க்க சாலை விரிவாக்கப் பணிகள் விரைந்து முடிக்கப்படுமா? -ஜியாவுதீன், ஆற்காடு.