சேதமடைந்த நடைபாதை

கோவை பாலசுந்தரம் ரோட்டில் வட்டார போக்குவரத்து அலுவலகம், இந்து சமய அறநிலையத்துறை அலுவலகம் உள்ளிட்ட முக்கிய அரசு அலுவலகங்கள் உள்ளன. ஆனால் இந்த ரோட்டில் உள்ள நடைபாதை மிகவும் சேதம் அடைந்து காணப்படுகிறது. பல இடங்களில் இன்டர்லாக் கற்கள் பெயர்ந்து காணப்படுகின்றன. இதனால் நடந்து செல்லும் பொதுமக்கள் கால் தவறி கீழே விழும் அபாயம் உள்ளது. எனவே இந்த நடைபாதையை சீரமைக்க சம்பந்தப்பட்ட துறை அதிகாரிகள் முன்வர வேண்டும்.