சேதமடைந்த நிலையில் நடைபாதை

சென்னை அரும்பாக்கம் மாசுகட்டுப்பாட்டு வாரியம் அலுவலகம் அருகே இருக்கும் தனியார் பள்ளியை ஒட்டியுள்ள நடைபாதையானது சேதமடைந்த நிலையில் காட்சியளிக்கிறது. மேலும் நடைபாதையில் உள்ள கழிவுநீர் வடிகால்வாய் மூடிகளும் உடைந்து காணப்படுகின்றன. பள்ளி குழந்தைகள் மற்றும் முதியவர்கள் அதிகமாக பயன்படுத்தி வரும் நடைபாதை என்பதால் அதிகாரிகள் விரைந்து நடவடிக்கை எடுத்து நடைபாதையை சீரமைத்து தர வேண்டும்.