கண்காணிப்பு கேமராக்கள் மீண்டும் செயல்படுமா?

கண்ணமங்கலம் பேரூராட்சியில் கடந்த சில ஆண்டுகளுக்கு முன் காவல்துறை சார்பில் பொதுமக்கள் அதிகம் நிறைந்த பஸ் நிலையம், புதுப்பேட்டை, கிராம நிர்வாக அலுவலர் அலுவலகம் உள்பட பல்வேறு இடங்களில் கண்காணிப்பு கேமரா வசதி செய்யப்பட்டது. இந்தக் கேமராக்களில் பதிவாகும் சம்பவங்கள் கண்ணமங்கலம் காவல் நிலையத்தில் நேரடியாகப் பார்க்கும் வசதி உள்ளது. கண்ணமங்கலம் காவல் நிலையத்தில் புனரமைப்பு பணிகள் கடந்த சில மாதங்களுக்கு முன் நடந்தது. இதனால் காவல் நிலையம், கண்ணமங்கலம் சப்-இன்ஸ்பெக்டர் குடியிருப்பு பகுதியில் சில மாதங்கள் செயல்பட்டது. இதனால் கண்காணிப்பு கேமரா வசதி இயங்கவில்லை. தற்போது கண்ணமங்கலம் காவல் நிலையம் புனரமைப்பு செய்து மீண்டும் செயல்படுகிறது. எனவே கண்காணிப்பு கேமரா மீண்டும் செயல்படுமா?

-கலையரசன், கண்ணமங்கலம்.