வாகனங்கள் விபத்தில் சிக்கும் அபாயம்

கண்ணமங்கலம் புதுப்பேட்டை பகுதியில் படவேடு சாலை செல்கிறது. வழியில் கொளத்தூர், குப்பம், ரேணுகாபுரம், காளசமுத்திரம், அனந்தபுரம் உள்பட பல்வேறு கிராமங்கள் வழியாக செல்லும் இச்சாலையில் விரிவாக்கப் பணிகள் நடந்து வருகிறது. சாலையில் ஆபத்தான வளைவு உள்ள இடங்களில் குறிப்பாக ரேணுகாபுரம், குப்பம், புதுப்பேட்டை உள்பட பல்வேறு இடங்களில் வேகத்தடை அமைத்துள்ளனர். ஆனால், வேகத்தடை இருப்பது அடையாளம் தெரியாமல் உள்ளது. இதனால் வாகனங்கள் விபத்தில் சிக்கும் அபாயம் உள்ளது. எனவே வேகத்தடை உள்ள இடங்களில் நெடுஞ்சாலைத்துறையினர் சாலையில் வெள்ளைக்கோடு(மார்க்கிங்) வரைய செய்ய வேண்டும் அல்லது அறிவிப்பு பலகை வைக்க வேண்டும்.

-வைரவன், கண்ணமங்கலம்.