சர்வர் பழுதால் பொதுமக்கள் பாதிப்பு

திருப்பத்தூர் கலெக்டர் அலுவலகத்தில் முதல்-அமைச்சரின் விரிவான மருத்துவ காப்பீடு திட்ட அலுவலகம் செயல்பட்டு வருகிறது. இங்கு காப்பீடு திட்ட அடையாள அட்டை பெறாதவர்களுக்கு புகைப்படம் எடுத்து உடனடியாக அட்டை வழங்கும் பணி நடந்து வருகிறது. ஆனால் அடிக்கடி சர்வர் பழுது அடைவதன் காரணமாக காப்பீடு திட்ட அடையாள அட்டை பெற வருபவர்கள் ஏமாற்றத்துடன் திரும்பி செல்ல வேண்டிய நிலை உள்ளது. இதனால் சர்வர் சரியான முறையில் செயல்பட நடவடிக்கை எடுக்க வேண்டும்.