ஓ.பி.சீட்டு பதிவுக்காக காத்திருக்கும் நோயாளிகள்

திருவண்ணாமலை மாவட்ட அரசு மருத்துவக் கல்லூரி மருத்துவமனைக்கு தினமும் ஏராளமான நோயாளிகள் வந்து சிகிச்சை பெறுகிறார்கள். அதிகாலையில் வரும் புறநோயாளிகள் காலை 8.30 மணிவரை வெகுநேரம் ஓ.பி. சீட்டு பதிவுக்காக காத்திருக்க வேண்டிய அவலம் ஏற்படுகிறது. ஓ.பி.சீட்டு பதிவு செய்யும் அறை கதவு அருகே கும்பலாக காத்திருக்கின்றனர். சம்பந்தப்பட்ட மருத்துவத்துறை அதிகாரிகள் நோயாளிகளின் நலனை கருத்தில் கொண்டு சற்று முன்கூட்டியே ஓ.பி. பிரிவின் அறையை திறந்து ஓ.பி.சீட்டை பதிவு செய்து நோயாளிகளை மருத்துவச் சிகிச்சைக்கு அனுப்ப நடவடிக்கை எடுக்க வேண்டும்.

-சிவாஜி, திருவண்ணாமலை.