பூங்காவில் தேங்கும் மழைநீர்

பெரம்பலூர் மாவட்ட கலெக்டர் அலுவலக வளாகத்தில் சிறுவர் அறிவியல் பூங்கா அமைக்கப்பட்டு உள்ளது. இந்த பூங்காவில் சுற்றுப்பகுதியைச் சேர்ந்த ஏராளமான சிறுவர், சிறுமிகள் வந்து விளையாடி செல்கின்றனர். மேலும் மாலை மற்றும் காலை நேரங்களில் ஆண்கள், பெண்கள், முதியவர்கள் உள்ளிட்டோர் நடைபயிற்சி மேற்கொண்டு வருகின்றனர். இந்த நிலையில் இந்த பூங்காவில் முறையான வடிகால் வசதி அமைக்கப்படாமல் உள்ளதால் மழை பெய்யும் போது பூங்காவில் மழை நீர் தேங்கி நிற்கிறது. இதனால் சிறுவர், சிறுமிகள் மழைக்காலங்களில் இந்த பூங்காவை பயன்படுத்த முடியாத நிலை உள்ளது. எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுத்து பூங்காவில் முறையாக வடிகால் வசதி ஏற்படுத்த வேண்டும் என கேட்டுக்கொள்கிறோம்.