நெடுஞ்சாலையில் திரியும் குரங்குகள்

ஓசூரில் இருந்து கிருஷ்ணகிரி செல்லும் தேசிய நெடுஞ்சாலையில் குருபரப்பள்ளி முன்பாக மேலுமலை உள்ளது. வனப்பகுதியையொட்டி உள்ள இந்த பகுதியில் தேசிய நெடுஞ்சாலையில் குரங்குகள் அதிக அளவில் சுற்றித்திரிகின்றன. குறிப்பாக தேசிய நெடுஞ்சாலையில் மலைப்பகுதியில் தாழ்வான சாலையில் வாகனங்கள் அதிவேகமாக செல்கின்றன. அந்த நேரம் இரு சக்கர வாகன ஓட்டிகள் செல்லும் சாலையில் குரங்குகள் இருப்பதால், விபத்துகள் நடைபெற வாய்ப்புகள் உள்ளன. எனவே தேசிய நெடுஞ்சாலை பகுதிகளில் சுற்றக்கூடிய குரங்குகளை பிடித்து அடர்ந்த வனப்பகுதிக்குள் விட அதிகாரிகள் நடவடிக்கை எடுப்பார்களா?

-குமரன், சூளகிரி.