அடிப்படை வசதிகள் வேண்டும்

பெரம்பலூர் ஒன்றியம் எளம்பலூர் ஊராட்சி 12- வது வார்டு சிட்டு நகர் பெரம்பலூர் நகரத்தை ஒட்டி நான்கு ரோடு அருகில் அமைந்துள்ளது. இந்த நகரில் 50-க்கும் மேற்பட்ட வீடுகள், குடும்பங்கள் வசித்து வருகின்றன. ஆனால் பல ஆண்டுகளாக சாலை வசதி, தெருவிளக்கு வசதி, குடிநீர் வசதி எதுவும் மேற்கொள்ளப்படவில்லை. இந்த நிலையில் தற்போது பெய்த மழையின் காரணமாக இப்பகுதியில் உள்ள சாலை சேறும், சகதியுமாக காணப்படுகிறது. இதனால் இப்பகுதி மக்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.