பராமரிப்பில்லாத பொது கழிவறை

தஞ்சை மாவட்டம் கும்பகோணத்தில் சிறப்புமிக்க பல்வேறு கோவில்கள் உள்ளன. இதனால் கும்பகோணத்துக்கு உள்ளூர் மட்டுமின்றி வெளிமாவட்டங்களில் இருந்தும் ஏராளமானவர்கள் வந்து செல்கின்றனர். இதில் பெரும்பாலானவர்கள் பஸ் மூலம் வருகின்றனர். இந்த நிலையில் கும்பகோணம் பஸ் நிலையத்தில் உள்ள பொது கழிவறை கட்டிடம் முறையான பராமரிப்பின்றி இருக்கிறது. இதனால் பஸ் நிலையத்துக்கு வரும் பயணிகள் சிரமத்துக்குள்ளாகின்றனர். கழிவறையில் இருந்து வெளியேறும் துர்நாற்றத்தால் சுகாதார சீர்கேடு ஏற்பட்டு தொற்று நோய் பரவும் அபாயம் உள்ளது. எனவே, சம்பந்தப்பட்ட அதிகாரிகள் கழிவறை கட்டிடத்தை சுத்தம் செய்து முறையாக பராமரிக்க நடவடிக்கை எடுக்க வேண்டும்