குரங்குகள் தொல்லை

மேல்மலையனூர் ஒன்றியம் மேல்புதுப்பட்டு ஊராட்சி கீழ்புதுப்பட்டு கிராமத்தில் சமீப காலமாக குரங்குகள் தொல்லை அதிகமாக உள்ளது. இவை திறந்திருக்கும் வீடுகள், கடைகளுக்குள் புகுந்து பொருட்களை நாசம் செய்வதோடு, விரட்ட வருபவர்களையும் கடிக்க பாய்கின்றன. குறிப்பாக குழந்தைகள் கையில் இருக்கும் திண்பண்டங்களை குரங்குகள் பிடுங்கி செல்வதால், பொதுமக்கள் அச்சப்படுகின்றனர். எனவே குரங்குகளை பிடித்து அப்புறப்படுத்த அதிகாரிகள் நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.