அகற்ற வேண்டிய சீமைக்கருவேல மரங்கள்

பெரம்பலூர் மாவட்டத்தில் உள்ள சித்தளி வனக்காப்புக் காட்டில் ஆங்காங்கே சீமைக்கருவேல மரங்கள் காணப்படுகிறது. சில வருடங்களுக்கு முன்பு எங்கோ ஒன்று என இருந்த சீமைக்கருவேல மரங்கள் இன்று எண்ணிக்கையில் பெருகி வருகிறது. இது வனக்காப்புக்காட்டின் தன்மையையே மாற்றக்கூடியதோடு நிலத்தடி நீர்மட்டம், காற்றில் உள்ள ஈரப்பதம் உள்ளிட்டவைகளையும் பாதிக்கக் கூடுமென ஆய்வாளர்கள் கூறுகின்றனர். ஆகையினால் உரிய நிதி ஒதுக்கி வனக்காப்புக்காட்டில் உள்ள சீமைக்கருவேல மரங்களை விரைந்து அகற்றி வனத்தை பாதுகாக்க சம்பந்தபட்ட அரசு நிர்வாகங்கள் முன்வர வேண்டும் என கேட்டுக்கொள்கிறோம்.