கட்டிடம் பயன்பாட்டுக்கு வருமா?

வேலூர் சைதாப்பேட்டை கோடையிடி குப்புசாமி அரசு மேல்நிலைப்பள்ளியில் அனைவருக்கும் கல்வி இயக்க திட்டத்தின் கீழ் அறிவியல் ஆய்வகம், கலை மற்றும் கைவினை கட்டிடம் கடந்த 2018-19ம் ஆண்டு கட்டி முடிக்கப்பட்டது. அந்தக் கட்டிடம் பயன்பாட்டுக்கு வராமல் கிடப்பில் உள்ளதால் அங்குள்ள ஜன்னல், கதவுகள் சேதமான நிலையில் காணப்படுகிறது. மேலும் கட்டிட வளாகத்தில் கற்கள் உடைந்து சிதறி கிடக்கிறது. எனவே சம்பந்தப்பட்ட துறை அதிகாரிகள் நடவடிக்கை எடுத்து பள்ளி கட்டிடத்தைப் பயன்பாட்டுக்கு கொண்டு வர வேண்டும்.

-மாதவன், வேலூர்.